హైదరాబాద్‌ నగరంలోని ఐటీ కారిడార్‌లో మహిళల కోసం ప్రత్యేక బస్సును టీఎస్‌ఆర్టీసీనేడు ప్రారంభించింది. జేఎన్‌టీయూ-వేవ్‌రాక్‌ మార్గంలో ఉదయం, సాయంత్రం వేళల్లో ఈ బస్సు నడుస్తుందని ఆర్టీసీ ఎండీ వీసీ సజ్జనార్‌ తెలిపారు.
ఈ మేరకు ఆయన ట్వీట్‌ చేశారు. మహిళా ప్రయాణికుల సౌకర్యార్థం త్వరలోనే మరిన్ని ప్రత్యేక బస్సులను టీఎస్‌ఆర్టీసీ ఏర్పాటు చేయనుందని తెలిపారు. ఐటీ కారిడార్‌లో రాకపోకలకు ఈ సదుపాయాన్ని వినియోగించుకోవాలని మహిళలను ఆర్టీసీ కోరుతునున్నట్లు సజ్జనార్‌ పేర్కొన్నారు.
హైదరాబాద్‌ ఐటీ కారిడార్‌లో లేడీస్‌ స్పెషల్‌ బస్సు ఈ రోజు ప్రారంభమైంది. జేఎన్‌టీయూ-వేవ్‌ రాక్‌ మార్గంలో ఈ ప్రత్యేక బస్సు ఉదయం, సాయంత్రం నడుస్తుంది. మహిళా ప్రయాణికుల సౌకర్యార్థం త్వరలోనే మరిన్ని ప్రత్యేక బస్సులను #TSRTC ఏర్పాటు చేయనుంది. ఐటీ కారిడార్‌లో రాకపోకలకు ఈ సదుపాయాన్ని… pic.twitter.com/NSqYsCm2Px
— VC Sajjanar – MD TGSRTC (@tgsrtcmdoffice) July 31, 2023