బిక్కనూర్, నవంబరు 26 ఆంధ్రప్రభ : కామారెడ్డి జిల్లా బిక్కనూరు మండల పరిధిలో గల సౌత్ క్యాంపస్ మరో యూనివర్సిటీగా ఏర్పాటు చేయాలని ప్రముఖ సైంటిస్ట్ పైడి ఎల్లారెడ్డి సూచించారు. మంగళవారం సౌత్ క్యాంపస్ లో నిర్మించిన వేదికను ఆయన ప్రారంభించారు. అనంతరం మాట్లాడుతూ… ఇదే యూనివర్సిటీలో చదువుకొని తాను సైంటిస్ట్ గా ఎదగడం జరిగిందని గుర్తు చేశారు. ప్రతి విద్యార్థి కష్టపడి చదివి ఉన్నత స్థాయికి ఎదగాలని సూచించారు.
ప్రశాంత వాతావరణంలో ఉన్నటువంటి సౌత్ క్యాంపస్ ను మరింత అభివృద్ధి చేయవలసిన అవసరం ఎంతైనా ఉందన్నారు. తన వంతు సహకారం ఎల్లవేళలా ఉంటుందని తెలిపారు. ఇక్కడ చదువుకున్న విద్యార్థులు ఉన్నత స్థాయిలో ఉండాలని తెలిపారు. ఈ కార్యక్రమంలో తెలంగాణ యూనివర్సిటీ వైస్ ఛాన్స్ ల‌ర్ యాదగిరిరావు, రిజిస్టర్ యాదగిరి, సౌత్ క్యాంపస్ ప్రిన్సిపాల్ సుధాకర్ గౌడ్, వైస్ ప్రిన్సిపాల్ రాజేశ్వరి, మాజీ జెడ్పీటీసీ సభ్యులు మనోహర్ రెడ్డి, తిరుమల గౌడ్, యూనివర్సిటీ అసిస్టెంట్ ప్రొఫెసర్లు, విద్యార్థులు పాల్గొన్నారు.