వంట నూనెల ధరలతో ఇబ్బంది పడుతున్న సామాన్యులకు కొంచెం ఊరట క‌ల‌గ‌నుంది. అంతర్జాతీయ విపణిలో నూనె ధరలు తగ్గడంతో దేశీయంగా కాసింత తగ్గుముఖం పట్టాయి. పామాయిల్ ధర లీటరుకు రూ. 7-8 తగ్గగా, సన్‌ఫ్లవర్ ఆయిల్ ధర రూ. 10 నుంచి 15 రూపాయల వరకు తగ్గుముఖం పట్టింది.
ఇక.. సోయాబీన్ ఆయిల్ ధర రూ. 5 తగ్గినట్టు భారతీయ వంటనూనెల ఉత్పత్తిదారుల సంఘం అధ్యక్షుడు సుధాకర్‌రావు దేశాయ్ తెలిపారు. ఫ్రీడం సన్‌ఫ్లవర్ ఆయిల్ ధరను గత వారం రూ. 15-20 తగ్గించినట్టు హైదరాబాద్‌కు చెందిన జెమిని ఎడిబుల్ అండ్ ఫ్యాట్స్ కంపెనీ తెలిపింది. ఈ వారం మరో 20 రూపాయలు తగ్గించనున్నట్టు పేర్కొంది.