Shankarpally : ఈ బుడ్డోడికి ఎంత కష్టం

శంకరపల్లి (ప్రభ న్యూస్) : ఎంత కష్టం వచ్చిందో ఈ బుడ్డోడికి.. ఆటపాటలతో ఆడుకోవాల్సిన వయసులో వాహనంపై కూర్చొని తనకు అప్పగించిన కఠినమైన పనిని చేస్తున్నాడు. ఈ చిన్నారి తీరు చూసేవారికి ఎంతో బాధను మిగిల్చింది..పట్టణ పరిధిలోని చేవెళ్ల రోడ్డులో విపరీతమైన గుంతలు.. ఆ గుంతలలోనే ఇటువంటి ప్రయాణం, శంకరపల్లి పట్టణంలోని చేవెళ్ల రోడ్డులో ఈ దృశ్యం కంటబడింది, ఎవరు అభివృద్ధి చెందుతున్నారు, అభివృద్ధి ఫలాలు ఎక్కడికి పోతున్నాయో, ఆలోచించవలసిన అవసరాన్ని ఈ దృశ్యం తూర్పారబట్టింది, ఎండాకాలం సైలెన్సర్ పై ఆ పిల్లోడు కాలు పెట్టి కూర్చోవడం, మాటిమాటికి కాలు పైకి లేపి మ‌ళ్లీ పెట్ట‌డం చూస్తుంటే చూసేవారికి అయ్యో అనే పరిస్థితి ఏర్పడింది. బాల కార్మిక వ్యవస్థను అరికట్టవలసిన అధికారులు.. ఏం చేస్తున్నారో అనిపిస్తుంది ఇటువంటి దృశ్యాలు చూసిన‌ప్పుడు.