హైదరాబాద్‌, ఆంధ్రప్రభ: రాష్ట్రంలో ఎడతెరిపిలేకుండా కురుస్తున్న భారీ వర్షాల కారణంగా తెలంగాణ ప్రభుత్వం మూడు రోజుల పాటు విద్యాసంస్థలకు సెలవులు ప్రకటించింది. ఈరోజు, రేపు, ఎల్లుండి మూడు రోజులు సెలవులు ఇవ్వడంతో ఇప్పటికే షెడ్యూల్‌ చేయబడిన సెమిస్టర్‌, సప్లమెంటరీ పరీక్షలను వాయిదా వేస్తున్నట్లు ఉస్మానియా, జేఎన్టీయుతో పాటు ఇతర వర్సీటీలు పేర్కొన్నాయి.
ఈ నేపథ్యంలో ఈనెల 11, 12, 13వ తేదీల్లో ఉండే పరీక్షలను వాయిదా వేస్తున్నట్లు ఉస్మానియా, జేఎన్టీయూహెచ్‌ వర్సిటీలు ఉత్తర్వులు జారీ చేశాయి. వాయిదా వేసిన పరీక్షలను రీషెడ్యూల్‌ చేసిన తర్వాత టైమ్‌టేబుల్‌ను ప్రకటిస్తామని ఉస్మానియా వర్సిటీ అధికారులు తెలిపారు. జేఎన్టీయూహెచ్‌ పరిధిలో జరిగే ఇంజనీరింగ్‌, ఫార్మసీ సెమిస్టర్‌, సప్లమెంటరీ పరీక్షలను వాయిదా వేస్తున్నట్లు వర్సిటీ అధికారులు తెలిపారు.
లోక‌ల్ టు గ్లోబ‌ల్.. ప్రభన్యూస్ కోసం ఫేస్‌బుక్‌, ట్విట‌ర్, టెలిగ్రామ్ పేజీల‌ను ఫాలో అవ్వండి.