నిజామాబాద్ జిల్లాలో ఎస్బీఐ ఏటీఎంలో చోరీ జరిగింది. మెండోరా మండలం పోచంపాడ్లో ఈ ఘటన చోటుచేసుకుంది. ఏటీఎంను ధ్వంసంచేసిన దుండగులు నగదును కాజేశారు. ఎస్ బి ఐ బ్యాంక్ ఏటీఎం ను గ్యాస్ కట్టర్ తో కోసి దుండగులు ఈ దొంగతనానికి పాల్పడ్డారు. ఏటీఎం వద్ద ఉన్న సీసీ కెమెరాలను దొంగతనం చేయడానికి ముందు అగంతకులు ధ్వంసం చేసినట్టు పోలీసులు గుర్తించారు. ఈ విషయాన్ని బ్యాంకు అధికారులు పోలీసు స్టేషన్లో ఫిర్యాదు చేశారు. కేసు నమోదు చేసిన పోలీసులు దీనిపై విచారణ చేపట్టారు. నిందితులను పట్టుకునేందుకు పోలీసులు డాగ్ స్క్యాడ్ క్లూస్ టీం లను రంగంలోకి దించారు.
