వికారాబాద్‌ జిల్లాలో ఘోర రోడ్డు ప్రమాదం.. ఇద్దరు మృతి

వికారాబాద్‌ : రోడ్డు ప్రమాదంలో ఇద్దరు మృతి చెందిన ఘటన వికారాబాద్‌ జిల్లాలో చోటుచేసుకుంది. వివరాలు ఇలా ఉన్నాయి.. యాలాల మండలం జుంటు-పల్లి గ్రామానికి చెందిన ఉప్పరి భీమయ్య కుటు-ంబం శ్రీశైలం దైవదర్శనానికి ఆటోలో బయలుదేరారు. శ్రీశైలం వెళ్లే దారిలో నాగర్‌ కర్నూలు జిల్లా తెలకపల్లి మండలంలో వీరు ప్రయాణిస్తున్న ఆటోను ఆర్టీసీ బస్సు ఢీ కొట్టింది. ఈ ఘటనలో ఇద్దరు అక్కడికక్కడే మృతి చెందారు. దీంతో జంటు-పల్లి గ్రామంలో విషాదఛాయలు నెలకొన్నాయి. ఈ ప్రమాదంలో గాయపడిన ఇవారి పరిస్థితి విషమంగా ఉందని తెలుస్తోంది. వెంటనే స్థానికులు వీరిని ఆస్పత్రికి తరలించారు. సమాచారం అందుకున్న పోలీసులు ఘటనా స్థలానికి చేరుకుని ప్రమాదానికి గల కారణాలను తెలుసుకున్నారు. ఈ మేరకు దర్యాప్తు చేపట్టారు.