వికారాబాద్, ఆగస్ట్ 30 (ప్రభ న్యూస్): కాంగ్రెస్ పార్టీ తెలంగాణ శాసనసభకు సంబంధించి ప్రకటించిన 40 మంది అభ్యర్థుల తొలి జాబితాలో వికారాబాద్ ప్రాంతానికి చెందిన మాజీ మంత్రులు ఏసీఆర్, గడ్డం ప్రసాద్ కుమార్ పేర్లు ఉన్నట్టు తెలిసింది. మంగళవారం సాయంత్రం పీసీసీలో జరిగిన సమావేశంలో ఇందుకు సంబంధించిన పూర్తి వివరాలు వెళ్లడైనట్టు సమాచారం.
సంగారెడ్డి జిల్లా జహీరాబాద్ నుండి మాజీ మంత్రి డాక్టర్ ఏ చంద్రశేఖర్, వికారాబాద్ జిల్లా వికారాబాద్ నియోజకవర్గ నుండి మాజీ మంత్రి గడ్డం ప్రసాద్ కుమార్ పేర్లు దాదాపు సమాచారం. ఇప్పటికే వీరిద్దరికీ పార్టీ నుండి గ్రీన్ సిగ్నల్ లభించడంతో క్షేత్రస్థాయిలో ప్రచారానికి సైతం వీరు శ్రీకారం చుట్టారు. మొత్తం మీద ఈ ఎన్నికల్లో వికారాబాద్ జహీరాబాద్ లో కాంగ్రెస్ పార్టీ నుండి గట్టి పోటీ ఎదురయ్యే అవకాశం ఉంది.