తాండూరు రూరల్, జులై 18 : నాపరాతి లోడ్‌తో వెళుతున్న ఓ లారీ బోల్తా కొట్టింది. ఈ ప్రమాదంలో లారీ డ్రైవర్‌తో సహ నలుగురు గాయాలపాలయ్యారు. ఇందులో ఒకరి పరిస్థితి విషమంగా మారింది. గురువారం తాండూరు మండలం గౌతాపూర్ చౌరస్తా వద్ద ఈ సంఘటన చోటు చేసుకుంది.
స్థానికులు తెలిపిన వివరాల ప్రకారం.. మండలంలోని బెల్కటూరు గ్రామానికి చెందిన లారీ డ్రైవర్ కరణ్‌ కోట్ నుంచి లారీ(ఏహెచ్‌జే 6089) నాపరాతి లోడ్‌తో బయల్దేరాడు. గౌతాపూర్ చౌరస్తా వద్దకు రాగానే లారీ అదుపు తప్పి పల్టీ కొట్టింది. ఈ ప్రమాదంలో లారీ డ్రైవర్‌తో పాటు ముగ్గురికి గాయాలయ్యాయి. ఇందులో ఒకరి పరిస్థితి విషమంగా ఉన్నట్లు స్థానికులు తెలిపారు. ఇందుకు సంబంధించిన పూర్తి వివరాలు తెలియాల్సి ఉంది.
- Advertisement -