శంషాబాద్ ఎయిర్‌పోర్ట్ వ‌ద్ద కారు బీభ‌త్సం

శంషాబాద్‌లోని ఎయిర్‌‍పోర్టు సమీపంలో కారు బీభత్సం సృష్టించింది. ఆగి ఉన్న ఓ కారును వెనుకనుంచి మరో కారు ఢీకొట్టింది. దీంతో రెండూ పల్టీలు కొడుతూ కల్వర్టులోకి దూసుకెళ్లాయి. ఈ ప్రమాదంలో ఒకరికి తీవ్రంగా.. ముగ్గురికి స్వల్ప గాయాలు అయ్యాయి. విమానాశ్రయం ప్రధాన రహదారిలో ఈ ఘటన జరిగింది. సమాచారం అందుకున్న పోలీసులు.. ఘటనా స్థలికి చేరుకుని క్షతగాత్రులను ఓ ప్రైవేటు ఆస్పత్రికి తరలించారు.