శంషాబాద్ ఎయిర్ పోర్టులో 551.21 గ్రాముల బంగారం ప‌ట్టివేత‌

రంగారెడ్డి జిల్లా ప‌రిధిలోని శంషాబాద్‌ విమానాశ్రయంలో అక్రమంగా త‌ర‌లిస్తున్న‌ బంగారాన్ని కస్టమ్స్‌ అధికారులు పట్టుకున్నారు. కువైట్‌ నుంచి హైదరాబాద్‌కు జే9 403 నంబరు గల విమానంలో వచ్చిన ఓ వ్యక్తి నుంచి 551.21 గ్రాముల బంగారాన్ని స్వాధీనం చేసుకున్నారు. సదరు వ్యక్తిని అదుపులోకి తీసుకొని విచారణ జరుపుతున్నారు. బంగారంపై రేడియం పూత పూసి ఇద్దరు మహిళల హ్యాండ్‌ బ్యాగులకు అమర్చి అక్రమంగా తరలిస్తుండగా తనిఖీలు నిర్వహించి స్వాధీనం చేసుకున్నారు.