రుక్మీణీ, విఠల్‌ కళ్యాణం..

తాండూరు : తాండూరు పట్టణంలోని పాండురంగా స్వామి దేవాలయంలో వెలసిన శ్రీ రుక్మీణీ, విఠల్‌ల కళ్యాణం వైభవంగా జరిగింది. పాండురంగా స్వామి దేవాలయ 26వ వార్షికోత్సవ వేడుకలు ఘనంగా జరిగాయి. ఆలయ వార్షికోత్సవం సందర్భంగా ఆలయ పూజారి నాగరాజు ఆధ్వర్యంలో రుక్మీణీ, విఠల్‌ కళ్యాణోత్సవం నిర్వహించారు. వధూవరుల తరుపున ఆలయ ధర్మకర్తలు ఎక్మాయి మేడిశెట్టి జగన్నాథం, చంద్రకళ దంపతులు పాల్గొని కళ్యాణోత్సవాన్ని జరిపించారు. అంతకుముందు ఆలయంలో స్వామి వార్లకు మేలుకొలుపు, అభిషేకం, విష్ణుసహస్రనామ జపయజ్ఞం కార్యక్రమాలు నిర్వహించారు. అదేవిధంగా సాయంత్రం స్వామి పల్లకిసేవ ఊరేగింపు శోభాయామానంగా కొనసాగింది. ఆలయ వార్షికోత్సవం, రుక్మీణీ, విఠల్‌ కళ్యాణోత్సవం సందర్భంగా భక్తులు ఆలయానికి పెద్ద ఎత్తున తరలివచ్చి దర్శించుకున్నారు. ఈ కార్యక్రమంలో ఆలయ భక్తబృందం, గాయత్రి మహిళ భక్తబృందం, గీతాసత్సంగ్‌ భక్తబృందం, సాయి భజన మండలి సభ్యులు, భక్తులు తదితరులు పాల్గొన్నారు.