హైదరబాద్లోని పలు ప్రాంతాల్లో ఇవ్వాల (గురువారం) సాయంత్రం నుంచి భారీ వర్షం కురుస్తోంది. మోస్తరు జల్లులతో ప్రారంభమైన వాన.. కుండపోతగా మారింది. ఇంకొన్ని ప్రాంతాల్లో తేలికపాటి నుంచి చిరుజల్లులు కురుస్తుండగా.. మరికొన్ని చోట్ల భారీగా వాన పడుతున్నట్టు సమాచారం అందుతోంది.
హైదరాబాద్లోని కూకట్‌పల్లి, హైదర్నగర్, మూసాపేట, అల్విన్ కాలనీ, కేపీహెచ్‌బీ కాలనీ, నిజాంపేట, కుషాయిగూడ, కాప్రా, ఏఎస్రావు నగర్, బాచుపల్లి, ప్రగతినగర్లో భారీ వర్షం పడుతోంది. వర్షం రాకతో వాహనదారులు ఎక్కడికక్కడే ఆగిపోయారు. దీంతో పలు చోట్ల ట్రాఫిక్ జామ్ అయ్యింది. వర్షానికి సంబంధించి జీహెచ్ఎంసీ అధికారులు స్మార్ట్ ఫోన్ యూజర్లకు మెస్సేజ్ ద్వారా అలర్ట్ చేశారు.