దమ్మపేట – నూటికి నూరు శాతం అధికారంలోకి వచ్చేది బీఆర్ఎస్సే, ప్రగతి పథంలో నడిచేది మన ప్రభుత్వమే, రైతులకు ఉచిత కరెంటు ఇస్తాం, రైతు బంధు ఇస్తాం, ధరణి పోర్టల్తో రైతులను ఆదుకుంటాం, అయిదు వేల పెన్షన్ ఇస్తాం అని తెలంగాణ సీఎం కె.చంద్రశేఖర్ రావు అన్నారు. మూడు రోజుల అనంతరం కేసీఆర్ ఎన్నికల ప్రచారాన్ని ప్రారంభించారు. ఖమ్మం జిల్లా అశ్వారావుపేట, దమ్మపేట, పినపాక నియోజకవర్గాల్లో విస్తృత పర్యటనలు చేశారు. ప్రతి సభకు అశేష జనం పోటెత్తారు. ఎన్నికల్లో ఆలోచించి ఓటు వేయాలని, ప్రజాజీవితం ఆగం ఆగం కాకూడదని పిలుపు ఇచ్చారు.
ఏ పార్టీ ప్రజాహితం కోరుతుంది, ఏ ప్రార్టీ ప్రగతి కాముకతతో ప్రగతి శీల భావంతో పని చేస్తుందో ఆలోచించాలని సీఎం కేసీఆర్ ప్రజలకు వివరించారు. తెలంగాణ ఆవిర్భావ రోజుల్లో మనం ఎదుర్కొన్న సమస్యల్ని అధిగమించామని, ఇప్పుడు కరెంటు కోత లేదు. తాగునీరు, సాగునీరు సమస్యలు లేవు. అభివృద్ధే లక్ష్యంగా సాగుతున్నాం. ప్రజాసంక్షేమంలోనూ వెనుకంజ లేదు. కానీ, తెలంగాణ బతుకులను ధ్వంసం చేసిన కాంగ్రెస్ పార్టీ.. జనాన్ని పక్కదారి పట్టిస్తోందని ఆగ్రహం వ్యక్తం చేశారు.
ధరణి వ‌ద్దంటున్న భట్టి..
ధరణి పోర్టల్‌ను బంగాళాఖాతంలో కలిపేస్తామని కాంగ్రెస్ నేత భట్టి విక్రమార్క, జాతీయ నాయకుడు రాహుల్ గాంధీ అంటున్నారని, ధరణి పోర్టల్ లేకుండా రైతులకు రైతు బంధు, రైతు బీమా డబ్బులు ఎలా వస్తాయని కేసీఆర్ ప్రశ్నించారు. ఇక పీసీసీ అధ్యక్షుడు రేవంత్ రెడ్డికి ఏమి తెలుసో, తెలీదో అర్థం కాదని, అతని అహంకారానికి హద్దులేదని, రైతులంటే కనీసం అవగాహన లేదని ఎండగట్టారు. ఇక ఉత్తమ్ కుమార్ రెడ్డి మాట్లాడుతూ, ప్రజలు కట్టిన పన్నులను ఉచిత కరెంటుకు కేసీఆర్ దుబారా చేసున్నారని తెగ బాధ పడిపోతున్నారని, కరెంటు వేస్టు, మూడు గంటల కరెంటు చాలు, ధరణి తీసేస్తామని కాంగ్రెస్ నాయకులు చెబుతున్నారని, నిజంగా కాంగ్రెస్ వస్తే ఉచిత కరెంటు ఉండదు, రైతు బంధు ఉండని కేసీఆర్ వివరించారు.
కరెంటు కోతులు లేవు.. నీటి తీరువా లేదు..
ఇప్పుడు తెలంగాణ రాష్ట్రంలో కరెంటు కోతలు లేవు. నీటి తీరువా లేదు. ధాన్యం కొనుగోళ్లు జరిపి వారంలో డబ్బులు వేస్తున్నాం అని సీఎం కేసీఆర్ అన్నారు. ఇక గిరిజన ప్రాంతాల అభివృద్ధికి అనేక చర్యలు తీసుకుంటున్నామని, గిరిజనుల పోడు వ్యవసాయం కోసం పోడు భూములకు పట్టాలు ఇచ్చాం. కేసులు ఎత్తివేశాం. రైతు బంధు, రైతీ బీమా ఇస్తున్నాం, తమ రాజ్యం తాము పాలించుకునేందుకు తండాలను పంచాయతీలుగా మార్చాం, గిరిజనుల రిజర్వేషన్ 10 శాతానికి పెంచాం, కాం అని కేసీఆర్ గుర్తు చేశారు. గోదావరి నదీ పరివాహిక ప్రాంతంతో భూగర్భజలాలకు ఇబ్బంది ఉండదని, కానీ కరెంటు వినియోగం అత్యవసరమన్నారు. అందుకే ఉచిత కరెంటును ఇస్తామని వివరించారు.
ఏడాదిలోగా సీతారామ ప్రాజెక్టు పూర్తి..
గోదావరిపై నిర్మిస్తున్న సీతారామ ప్రాజెక్టు పనులు 70 శాతం పూర్తయ్యాయని, మిగిలిన పనులు ఏడాదిలోగా పూర్తి చేస్తామ‌ని సీఎం కేసీఆర్ అన్నారు. కాంగ్రెస్ పార్టీ అధికారంలోకి వచ్చేది లేదు. ,చచ్చేది లేదు, నాయకులు మాత్రం హామీల మీద హామీలు దంచుతున్నారని, కాంగ్రెస్ రాజ్యంలో ఇప్పటికే ఆగం ఆగం అయ్యాయి. మళ్లీ కాంగ్రెస్రే అప్పగిద్దామా? ఆలోచించండని కేసీఆర్ ప్రజలకు పిలుపు ఇచ్చారు.