సీఎం కేసీఆర్ బర్త్ డే: ప్రతి ఒక్కరూ మొక్కలు నాటాలి

తెలంగాణ ముఖ్యమంత్రి కేసీఆర్ జన్మదినోత్సవాన్ని పురస్కరించుకొని ప్రతి ఒక్కరూ మొక్కలు నాటాలని పెద్దపల్లి మున్సిపల్ 29వ వార్డు కౌన్సిలర్ ఇల్లందుల కృష్ణమూర్తి పిలుపునిచ్చారు. టీఆర్ఎస్ వర్కింగ్ ప్రెసిడెంట్ కేటీఆర్ పిలుపుమేరకు వార్డు పరిధిలో పెద్ద ఎత్తున మొక్కలు నాటారు. ఈ సందర్భంగా ఆయన మాట్లాడుతూ దేశంలోనే ఎక్కడా లేని సంక్షేమ పథకాలను ముఖ్యమంత్రి కేసీఆర్ రాష్ట్రంలో అమలు చేస్తూ నిరుపేదల జీవితాల్లో వెలుగులు నింపుతున్నారన్నారు. గతంలో ఎన్నడూ లేనివిధంగా పెద్దపెల్లి పట్టణ అభివృద్ధికి ప్రభుత్వం పెద్దఎత్తున నిధులు మంజూరు చేస్తుందన్నారు. ఈ కార్యక్రమంలో టీఆర్ఎస్ నాయకులు, వార్డు ప్రజలు పాల్గొన్నారు.