ఇందల్ వాయి, మే 28 (ప్రభ న్యూస్) : మండలంలోని సిర్ణ పల్లీ రైల్వే స్టేషన్ సమీపంలో నడుస్తున్న రైలు నుండి జారిపడిన ప్రమాదంలో ఒకరు మృతిచెందినట్లు రైల్వే పోలీసులు తెలిపారు. మృతుడు ప్రకాశం జిల్లా పొదిలి మండలంలోని కంబాలపాడు గ్రామానికి చెందిన బండారు రవి(29)గా గుర్తించారు. మృతుడు రవి సోమవారం అర్థరాత్రి గుర్తు తెలియని రైలు ఎక్కి వెళ్తుండగా మార్గమధ్యలో రైలు నుండి జారి పడి మృతిచెందినట్లుగా అనుమానం కలుగుతోందని రైల్వే పోలీసులు తెలిపారు.
ఈ మేరకు కుటుంబ సభ్యుల ఫిర్యాదు మేరకు కేసు నమోదు చేసుకొని దర్యాఫ్తు చేస్తున్నామని రైల్వే పోలీసులు తెలిపారు. మృతునికి సంబంధించిన పూర్తి వివరాలు తెలియాల్సి ఉందని ఆయన అన్నారు. మృతదేహాన్ని పోస్టుమార్టం నిమిత్తం జిల్లా కేంద్ర ఆసుపత్రికి తరలించడం జరిగిందన్నారు.
- Advertisement -