ఎల్బీనగర్, ఆగస్టు 4, ప్రభ న్యూస్ : వనస్థలిపురంలో వృద్ధురాలి హత్య కలకలం సృష్టించింది. వృద్ధురాలి తలపై ఇటికలతో బాది హత్య చేరారు. ఈ సంఘటన వనస్థలిపురం పోలీస్ స్టేషన్ పరిధిలో చోటుచేసుకుంది. స్థానికులు తెలిపిన వివరాల ప్రకారం… బాలమ్మ (65) వనస్థలిపురం పోలీస్ స్టేషన్ పరిధిలోని శ్రీకృష్ణ నగర్ లో గుడిసెలో ఒంటరిగా నివాసం ఉంటుంది.
సోమవారం ఉదయం తలపగిలి తీవ్ర రక్తంతో ఉండడాన్ని స్థానికులు గుర్తించి పోలీసులకు సమాచారం అందించారు. సంఘటన స్థలానికి చేరుకున్న పోలీసులు పరిశీలించగా తలపై ఇటుకలతో బాది హత్య చేసినట్లు గుర్తించారు. సుమారు 20సంవత్సరాలుగా కాలనీలో ఉంటున్నట్లు చుట్టుపక్కల వారు తెలిపారు. ఈ హత్య దొంగల పనా ఎవరు చంపారు ? ఎందుకు చంపాల్సి వచ్చింది అనే కోణంలో పోలీసులు దర్యాప్తు చేస్తున్నట్లు తెలుస్తోంది.
- Advertisement -