ఆదేశించిన తెలంగాణ హైకోర్టు
కోర్టు ఆదేశాల‌ను అమ‌లు చేస్తామ‌న్న సీపీ ఆనంద్
పోలీసుల సూచ‌న‌లు పాటించాలి
నిమజ్జనాలకు ముమ్మ‌ర ఏర్పాట్లు
శోభాయాత్ర‌కు భారీ పోలీస్ బందోబ‌స్తు
ఆంధ్ర‌ప్ర‌భ స్మార్ట్‌, హైదరాబాద్ : ట్యాంక్ బండ్ వ‌ద్ద వినాయ‌క నిమ‌జ్జ‌నాలు చేయ‌వ‌ద్ద‌ని హైకోర్టు ఆదేశాలు జారీ చేసింద‌ని, ఎన్టీఆర్ మార్గ్‌, నెక్లెస్ రోడ్డులో నిమజ్జనం చేసుకోవాల‌ని హైదరాబాద్ సీపీ సీవీ ఆనంద్ తెలిపారు. ఇందుకు త‌గిన ఏర్పాట్లు చేస్తున్నాన‌మ‌ని, గణేష్ నిత్స‌వ క‌మిటీలు పోలీసులకు సహకరిస్తున్నారన్నారు. హైదరాబాద్ సిటీ పరిధిలో 15 వేలు, ఇతర జిల్లాల నుంచి మరో 3 వేల మంది పోలీసు సిబ్బందితో బందోబ‌స్తు ఏర్పాటు చేస్తున్న‌మ‌ని తెలిపారు.
నిమజ్జనం స‌మ‌యంలోనే మిలాద్ ఉన్ నబీ ఉందన్నారు. ఇందుకు మత పెద్దలతో సమన్వయం చేస్తున్నామన్నారు. శాంతిభ‌ద్ర‌త‌ల‌కు విఘాతం క‌ల‌గ‌కుండా అన్ని క‌ట్టుదిట్ట‌మైన చ‌ర్య‌లు తీసుకుంటున్నామ‌న్నారు. 17న పబ్లిక్ గార్డెన్ లో ప్రజాపాలన దినోత్సవం కార్యక్రమం, పెరేడ్ గ్రౌండ్ లో మరో కార్యక్రమం ఉందన్నారు. శోభాయాత్ర‌ను తిల‌కించేంద‌కు వచ్చే భక్తులు పోలీసులకు సహరించి, నిబంధనలకు అనుగుణంగా వ్యవహరించాలని కోరారు.
నిబంధనలు ఇవే..
- ట్యాంక్ బండ్ వ‌ద్ద నిమ‌జ్జ‌నాలొద్దు..!
- గణేష్ విగ్రహానికి ఒక వాహనాన్ని మాత్రమే అనుమతిస్తారు.
- విగ్రహాన్ని తీసుకెళ్లే వాహనంపై లౌడ్‌స్పీకర్‌ను అమర్చకూడదు.
- నిమజ్జనం రోజు వాహనాలపై డీజేతో కూడిన మ్యూజికల్ సిస్టమ్‌ను అనుమతించ‌డం లేదు.
- రంగులు పిచికారీ చేయడానికి కాన్ఫెట్టీ గన్‌లను ఉపయోగించకూడదు.
- మద్యం మత్తులో ఉన్న వ్యక్తులు లేదా మరేదైనా మత్తు పదార్థాలను కలిగి ఉన్న వ్యక్తులను విగ్రహాన్ని తీసుకువెళ్లే వాహనంలోకి ఉండ‌కూడ‌దు
- రహదారిపై వెళ్లేటప్పుడు వాహనం ట్రాఫిక్‌ను ప్రభావితం చేయకూడదు
- ట్రాఫిక్‌కు అంతరాయం కలిగించవద్దు
- విగ్రహాన్ని తీసుకువెళ్లే వాహనం ఏదైనా ప్రార్థనా స్థలం దగ్గర లేదా ఇతర వాహనాలకు లేదా ట్రాఫిక్‌కు అంతరాయం కలిగించే రహదారిపై ఆప‌కూడదు.
- అప్పటి పరిస్థితిని బట్టి పోలీసు అధికారులు ఇచ్చే ఆదేశాలపై వాహనాల రాకపోకలు ఆధారపడి ఉంటాయి.
- ఊరేగింపులో ఎవరూ కర్రలు/కత్తులు, మారణాయుధాలు, మండే పదార్థాలు లేదా ఇతర ఆయుధాలను తీసుకెళ్లకూడదు.
- జెండాలు లేదా అలంకరణల కోసం ఉపయోగించే కర్రలు 2 అడుగుల పొడవు మించకూడదు.
- బాటసారులపై వెర్మిలియన్, కుంకుమ లేదా గులాల్ వేయవద్దు
- ఊరేగింపులో ఎలాంటి రాజకీయ ప్రసంగాలు/ రెచ్చగొట్టే ప్రసంగాలు/ నినాదాలు లేదా రెచ్చగొట్టే సంకేతాలు లేదా బ్యానర్లు ఉపయోగించరాదు.
- ఏ వర్గం ప్రజల మనోభావాలను దెబ్బతీసేలా ఇతర రెచ్చగొట్టే చర్యలకు పాల్పడకూడదు.
- ఊరేగింపు సమయంలో బాణసంచా కాల్చరాదు.
- పోలీసు అధికారులు ఎప్పటికప్పుడు ఇచ్చే సూచనలను పాటించండి.
- ఏదైనా అత్యవసర పరిస్థితుల్లో, 100కి డయల్ చేసి తెలియజేయండి.