నిజామాబాద్ ప్రతినిధి, (ఆంధ్రప్రభ) : కార్తీక మాసాన్ని పురస్కరించుకుని నిజామాబాద్ నగరంలోని నందెవాడ ప్రాంతంలో కాలనీవాసులు శివపార్వతుల కళ్యాణాన్ని అంగరంగ వైభవంగా నిర్వహించారు. జగిత్యాల నుంచి వచ్చిన పంతులు ఆధ్వర్యంలో రుద్రాభిషేకం, లక్ష బిల్వపత్రి అర్చన కార్యక్రమం వైభవంగా జరిగింది.
సోమవారం నిర్వహించిన శివపార్వతీ కల్యాణంలో లాబీ శెట్టి శ్రీనివాస్, శ్రీకాంత్, నరేందర్, రాజు, గణేష్, రఘువీర్, ధర్మ కిషన్, గంగా రమేష్, తోడు కూనూరి రమేష్ దంప‌తులు పాల్గొని బోళా శంకరుని సేవలో తరించారు. నందేవాడ ప్రాంతమంతా శివనామ స్మరణతో మారుమోగింది. అనంతరం శివపార్వతుల నామస్మరణతో పల్లకీలో ఊరేగించారు. ఈ కార్యక్రమంలో నందెవాడ మండల కాలనీ వాసులు తదితరులు పాల్గొన్నారు.
