మైనారిటీ కమిషన్ చైర్మన్ గా బాధ్యతలు చేపట్టిన తారిక్ అన్సారీకి పలువురు శుభాకాంక్షలు తెలిపారు. తెలంగాణ రాష్ట్ర ఉద్యమంలో చురుకుగా పాల్గొని అనుక్షణం ప్రత్యేక రాష్ట్రం కోసం మైనారిటీల తరపున ముందుండి పొరాడినందుకు తెలంగాణ రాష్ట్రం ఆయన సేవలను గుర్తించి ముఖ్యమంత్రి కేసీఆర్ తెలంగాణ రాష్ట్ర మైనారిటీ కమిషన్ చైర్మన్ గా తారిక్ అన్సారీని నియమించారు. శనివారము హైదరాబాద్ లో ప్రమాణస్వీకారం చేసారు. ఈ సందర్బంగా టీఎస్ డ‌బ్ల్యూసీడీఎస్ చైర్ పర్సన్ ఆకుల లలిత రాఘవేందర్ తారీక్ అన్సారీకి పుష్ప గుచ్ఛం అందజేసి శుభాకాంక్షలు తెలిపారు. తెలంగాణ ప్రభుత్వం పోరాట ప్రతిమను, ప్రాధాన్యతను, ప్రత్యేకతను గుర్తించి మీకు సమున్నత న్యాయం కల్పించిందని సంతోషంగా ఆయనకు శుభాకాంక్షలు తెలిపారు.
అన్సారీకి ఎమ్మెల్యే గణేష్ బిగాల శుభాకాంక్షలు..
హైదరాబాద్ లో తెలంగాణ రాష్ట్ర మైనారిటీ కమిషన్ చైర్మన్ గా పదవి బాధ్యతలు చేపట్టిన తారిక్ అన్సారీకి నిజామాబాద్ అర్బన్ ఎమ్మెల్యే గణేష్ బిగాల పుష్పగుచ్చం అందజేసి తారీకు అన్సారని శాలువాతో ఘనంగా సన్మానించి శుభాకాంక్షలు తెలిపారు. ఈ కార్యక్రమంలో నాయకులు అబ్దుల్ కుద్దుస్, ముజాహిద్ బబ్బు, అక్తర్ ఖాన్, ఖుద్దుస్, పాల్గొన్నారు.
