ముగ్ధ వస్త్ర షో రూమ్ ప్రారంభోత్సవంలో సినీనటి – ట్రాఫిక్ లో ఇరుక్కున్న అంబులెన్స్

నిజామాబాద్ నగరంలోని ముగ్ధ వస్త్ర షోరూమ్ ప్రారంభో త్సవానికి గుడుంబా శంకర్, సోలో బ్రతుకే సో బెటర్ గురు, ప్రముఖ సినిమాలలో నటించిన సినీ నటి నభా నటేష్ హాజరైంది. సినిమా హీరోయిన్ ను చూడడానికి ప్రజలు అధిక సంఖ్యలో వచ్చారు.ఎప్పుడు రద్దీగా ఉండే రైల్వే స్టేషన్ ప్రాంతంలో హీరోయిన్ రాక తో ట్రాఫిక్ కు తీవ్ర అంతరాయం ఏర్పడింది. అసలే ఇరుకైన రోడ్డులో ఇంత పెద్ద షోరూం ఏర్పాటు చేయడంతో వాహనదారులు రోడ్డుపైనే పార్కింగ్ చేయడంతో ట్రాఫిక్ తో ప్రజలు తీవ్రఇబ్బందులు ఎదుర్కొన్నారు. అటువైపు నుంచి వైద్యం కోసం ఆసుపత్రికి వెళ్తున్న అంబులెన్స్ ట్రాఫిక్ లో ఇరుక్కుపోయింది. అంబులెన్స్ లో ఉన్న రోగి ప్రాణాలు పోతే ఎవరూ బాధ్యులు? అసలు ఇంత ఇరుకైన రోడ్డులో ఇంత పెద్ద వస్త్రషోరూంకు అనుమతులు ఎలా ఇచ్చారు. ఏదైనా ప్రమాదం జరిగితే అగ్ని మాపక శాఖ శకటం కూడా రాలేనీ పరిస్థితి. ఈ షోరూం కి మున్సిపల్ శాఖ నుంచి, అగ్నిమాపక శాఖ నుంచి అనుమతులు ఇచ్చారా? అంటూ స్థానికులు ప్రశ్నిస్తున్నారు.