హైదరాబాద్‌, ఆంధ్రప్రభ : ఆగి ఉన్న లారీని కారు ఢీకొట్టడంతో ముగ్గురు మృతిచెందారు. ఈ ఘోర దుర్ఘటన నిజామాబాద్‌ జిల్లా ఆర్మూరు మండలంలో శనివారం జరిగింది. మండలంలోని చేపూరు సమీపంలో జాతీయ రహదారిపై ఆగి ఉన్న లారీని ఓ కారు ఢీకొట్టింది. దీంతో కారులో ప్రయాణిస్తున్న ముగ్గురు యువకులు అక్కడికక్కడే మృతిచెందారు. మరో వృద్ధుడు గాయపడ్డారు.
ప్రమాదం ధాటికి కారు ముందు భాగం నుజ్జునుజ్జు అయింది. దీంతో క్రేన్‌ సాయంతో మృతులను కారులోనుంచి వెలికితీయాల్సి వచ్చింది. మృతులను నందిపేటకు చెందినవారిగా గుర్తించారు. క్షతగాత్రుడిని సమీపంలోని ఆసుపత్రికి తరలించారు. ఘటనపై కేసు నమోదు చేసి దర్యాప్తు చేస్తున్నట్లు పోలీసులు తెలిపారు.