నిజామాబాద్ జూలై, (ప్రభ న్యూస్)28: చేపల వేటకు వెళ్లిన ఓ వ్యక్తి ప్రమాదవశాత్తు జారిపడి మృతి చెందిన ఘటన నిజామాబాద్ రూరల్ మండలంలోని గుండారం గ్రామంలో శుక్రవారం మధ్యాహ్నం చోటుచేసుకుంది. స్థానికులు తెలిపిన వివరాల ప్రకారం. గుండారం గ్రామానికి చెందిన సిగ్నపల్లి సాయిరెడ్డి అనే వ్యక్తి చేపల వేటకు వెళ్లి ప్రమాదవశాత్తు జారిపడి మృతి చెందాడు. గత కొన్ని రోజులుగా ఎడతెరుపు లేకుండా కురుస్తున్న భారీ వర్షాల నేపథ్యంలో గుండారం చెరువు అలుగు పారుతుంది. దీంతో చెరువు నుంచి చేపలు అలుగు ద్వారా కింద పడడంతో చేపలను పట్టేందుకు గ్రామస్తులతో కలిసి సాయి రెడ్డి వెళ్ళాడు. అందరూ చేపలు పడుతున్న సమయంలో సాయి రెడ్డి ప్రమాదవశాత్తు జారీ అడ్డాడు. నీటి ఉదృక్తి ఎక్కువగా ఉండటంతో నీట మునిగి మృతి చెందాడు.
స్థానికులు పోలీసులకు సమాచారం అందించడంతో, ఘటన స్థలానికి చేరుకున్న పోలీసులు రెస్క్యూటివ్ సహాయంతో సాయిరెడ్డి మృతదేహాన్ని వెలికి తీశారు. పంచనామా నిమిత్తం మృతదేహాన్ని మార్చురీకి తరలించారు. కేసు నమోదు చేసి దర్యాప్తు చేపట్టారు.