ఆంధ్రప్రభ, ప్రతినిధి /యాదాద్రి : యాదాద్రి భువనగిరి జిల్లాలోని యాదగిరిగుట్ట మండలంలోని దాతర్ పల్లి చెరువు వద్ద గురువారం ప్రభుత్వ విప్, ఆలేరు ఎమ్మెల్యే బీర్ల ఐలయ్య గంగమ్మకు ప్రత్యేక పూజలు నిర్వహించారు. చెరువు నిండి అలుగుపారడంతో గ్రామస్తులు, రైతులతో కలిసి గంగమ్మకు ప్రత్యేక పూజలు నిర్వహించారు.
గొల్ల గుడిసెల వద్ద గొలుసుకట్టు కాల్వల మరమ్మతుల కోసం కొబ్బరికాయలు కొట్టి పనులను ప్రారంభించారు. అనంతరం ఓటిలను సందర్శించారు. తుర్కపల్లి మండలం వెంకటపూర్, మల్లాపూర్, సైదాపూర్, దిగువ ప్రాంతాలకు వెళ్లే కాల్వను సందర్శించారు.