ఆంధ్రప్రభ ఆదిలాబాద్ బ్యూరో : ఏపీ డిప్యూటీ సీఎం పవన్ కళ్యాణ్ ను గురువారం ఉదయం ఢిల్లీలో ఎంపీ గొడం నగేష్, ఆదిలాబాద్ ఎమ్మెల్యే పాయల్ శంకర్ మర్యాదపూర్వకంగా కలిశారు. ఆదిలాబాద్ జిల్లా సరిహద్దులోని మహారాష్ట్రలో ఇటీవల పవన్ కళ్యాణ్ ఎన్నికల ప్రచారం సభల్లో పాల్గొని బీజేపీ అభ్యర్థుల విజయంలో కీలక పాత్ర పోషించారని కొనియాడారు.
చంద్రాపూర్, సోలాపూర్, యవత్మా ల్ జిల్లాలో 15అసెంబ్లీ స్థానాలు బీజేపీ కూటమి కైవసం చేసుకున్న విషయాన్ని పవన్ కళ్యాణ్ కు గుర్తు చేసినట్టు ఎంపీ నగేష్ తెలిపారు. జాతి కోసం ధర్మం కోసం పవన్ కళ్యాణ్ విశేషంగా కృషి చేస్తున్నారని నగేష్ తెలిపారు. ఈ సందర్భంగా పవన్ కళ్యాణ్ ను ఎంపీ, ఎమ్మెల్యే ఘనంగా సత్కరించారు.
- Advertisement -