రోడ్డు ప్రమాద బాధితులకు ఎమ్మెల్యే రేఖా సాయం

టీఆర్ఎస్ ఎమ్మెల్యే రేఖా నాయక్ రోడ్డు ప్రమాద బాధితుల పట్ల మానవతా దృక్పథం ప్రదర్శించారు. ఎమ్మెల్యే రేఖా నాయక్ కడెం పర్యటన ముగించుకుని నిర్మల్ వెళుతుండగా.. ఖానాపూర్ మండలం తర్లపాడ్ గ్రామ శివార్లలో ఓ కారు చెట్టుకు ఢీకొని ప్రమాదానికి గురైనట్టు గమనించారు. వెంటనే తన వాహనాన్ని ఆపించారు. ప్రమాదంలో గాయపడిన వారిని పరిశీలించారు. వెంటనే తన సిబ్బంది సాయంతో వారిని తన కారులోకి చేర్చి.. అనంతరం ఆసుపత్రికి తరలించారు. మెరుగైన వైద్యం అందించాలని వైద్యులకు సూచించారు.