రోడ్డు పనులు వేగంగా పూర్తి చేస్తాం: ఎమ్మెల్యే నన్నపునేని

వరంగల్ తూర్పు నియోజకవర్గంలో రోడ్ల అభివృద్ధికి కృషి చేస్తున్నామని ఎమ్మెల్యే నన్నపునేని నరేందర్ అన్నారు. చార్ బౌళిలో రూ.3 కోట్లతో నిర్మిస్తున్న రోడ్డు పనులను స్థానిక ప్రజాప్రనిధులతో కలిసి ఆయన పరిశీలించారు. ఈ సందర్భంగా ఆయన మాట్లాడుతూ తూర్పు నియోజకవర్గంలో మునుపెన్నడూ లేనివిదంగా అభివృద్ది పనులు చేపడుతున్నామని తెలిపారు. చార్ బౌళిలో రోడ్డు పనులను వేగంగా పూర్తి చేస్తామని హామీ ఇచ్చారు. ముఖ్యమంత్రి కేసీఆర్ నాయకత్వంలో మంత్రి కేటీఆర్ నేతృత్వంలో నియోజకవర్గాన్ని అద్బుతంగా అభివృద్ది చేస్తున్నామమని చెప్పారు. యువ కార్పోరేటర్లు తమ వార్డుల అభివృద్దికి కృషి చేస్తున్నారని,అన్ని డివిజన్ లను అన్ని రంగాల్లో అభివృద్ది చేస్తామన్నారు. నియోజకవర్గానికి ఒక కొత్త లుక్ వచ్చేలా అభివృద్ది పనులు చేపడుతున్నామని చెప్పారు. ప్రజలకు సౌకర్యవంతంగా ఉండేలా పనులు చేపడుతున్నామని, రానున్న రోజుల్లో మరింత గొప్పగా అభివృద్ది చేస్తామని పేర్కొన్నారు.