మేడ్చల్ నియోజకవర్గంలోని బోడుప్పల్ మున్సిపల్ కార్పోరేషన్ లో జిల్లా ఇన్చార్జి మంత్రి శ్రీధర్ బాబు, ఎంపీ ఈటల రాజేందర్ లు అభివృద్ధి ప‌నుల‌కు శ్రీకారం చుట్టారు. బోడుప్పల్ మున్సిపల్ కార్పోరేషన్ లో జిల్లా ఇన్చార్జి మంత్రి శ్రీధర్ బాబు, ఎంపి ఈటల రాజేందర్, తెలంగాణ చీఫ్ విప్ డాక్టర్ పట్నం మహేందర్ రెడ్డిలు ప‌ర్య‌టించారు. రూ. 7కోట్ల అభివృద్ధి కార్యక్రమాలను ప్రారంభించడం జరిగింది.
ఈ కార్యక్రమంలో మాట్లాడుతూ… ప్రజల బాగు కోసం తాము ప్రాధాన్యత ఇవ్వనున్న ముఖ్యమైన పనులు ఇవని అన్నారు. 7వ డివిజన్ గాయత్రి నగర్ లో సీసీ రోడ్డు, 20వ డివిజన్ చిలకనగర్ లో డ్రైనేజీ లైన్ పనులు, అంబేద్కర్ విగ్రహం వద్ద తాగునీటి పైప్ లైన్ల ఏర్పాటు, ఇతర ముఖ్యమైన రోడ్డు పనులు, ఈ ప్రాజెక్టులు బోడుప్పల్ అభివృద్ధిలో కీలక మైలురాళ్ళుగా నిలుస్తాయని తెలిపారు. ఈ సమావేశంలో మేయర్ అజయ్ యాదవ్, కార్పొరేటర్లు, ప్రజా ప్రతినిధులు, తదితరులు పాల్గొన్నారు.