కేటీఆర్ 4th క్లాస్ ఫోటో..ఎక్కడున్నాడో గుర్తుపట్టారా..!

నిత్యం ప్రభుత్వ, పార్టీ కార్యక్రమాలతో ఫుల్ బిజీగా ఉండే మంత్రి కేటీఆర్.. సోషల్ మీడియాలో ఎంత యాక్టివ్‌గా ఉంటారో అందరికీ తెలిసిందే. నిత్యం ట్విట్టర్ ద్వారా ప్రజలకు అందుబాటులో ఉండడమే కాదు, అరుదైన ఫొటోలు షేర్ చేస్తుంటారు. తాజాగా ఆయన ట్విటర్‌లో షేర్‌ చేసిన ఫొటో అందరినీ ఆకర్షిస్తోంది. 1984లో నాలుగో తరగతి సందర్భంగా ఉపాధ్యాయులు, తోటి విద్యార్థులతో కలిసి దిగిన ఫొటోను స్నేహితుడు పంపగా దాన్ని అభిమానులతో పంచుకున్నారు. ‘‘1984 నాటి ఫొటో. భరత్‌ అనే నా క్లాస్‌మేట్‌ ఈ ఫొటోను నిన్న నాకు పంపాడు. కరీంనగర్‌లోని సెయింట్‌ జోసెఫ్‌ పబ్లిక్‌ స్కూల్‌ నాలుగో తరగతి చదువుతున్నప్పటి ఫొటో ఇది. ఈ ఫొటోలోని ఉన్న అందరి పేర్లు మళ్లీ గుర్తు చేసుకున్నా. మీకు ఆశ్చర్యమనిపించినా ఇది నిజం’’ అని కేటీఆర్‌ ట్విటర్‌లో పేర్కొన్నారు. ప్రస్తుతం ఈ ఫొటో సామాజిక మాధ్యమాల వేదికగా ట్రెండింగ్‌లో ఉంది.