పర్యాటక ప్రాంతంగా పాలకుర్తి: మంత్రి ఎర్రబెల్లి

మహాశివరాత్రి పర్వదినాన్ని పురస్కరించుకుని పాలకుర్తిలో శ్రీ సోమేశ్వర లక్ష్మీనరసింహస్వామిని కుటుంబ సమేతంగా దర్శించుకుని ప్రత్యేక పూజలు నిర్వహించారు రాష్ట్ర పంచాయతీరాజ్ శాఖా మంత్రి ఎర్రబెల్లి దయాకర్ రావు. అంతకు ముందు ఆలయ మర్యాదలతో అధికారులు, పూజారులు పూర్ణకుంభంతో స్వాగతం పలికారు. ఈ సంధర్భంగా మంత్రి ఎర్రబెల్లి దయాకర్ రావు మాట్లాడుతూ శ్రీ సోమేశ్వర లక్ష్మీనరసింహస్వామి ఆశీస్సులతో పాలకుర్తి నియోజకవర్గాన్ని అన్ని విధాలుగా అభివృద్ధి జరుగుతుందని అన్నారు. పాలకుర్తి ప్రాంతాన్ని పర్యాటక ప్రదేశాలుగా తీర్చిదిద్దుతున్నట్లు తెలిపారు. పాలకుర్తి, వల్మిడి, బమ్మెరల్లో ఇప్పటికే అభివృద్ధి పనులు జరుగుతున్నాయన్నారు.