హైదరాబాద్లోని బంజారాహిల్స్లో దారుణ ఘటన ఆలస్యంగా వెలుగు చూసింది. బిహార్ కు చెందిన ఓ వలసకూలీని సెక్యురిటీ గార్డులు కొట్టి చంపారు. ఈ ఘటన ఐదు రోజుల క్రితం చోటుచేసుకోగా ఆలస్యంగా వెలుగులోకి వచ్చింది. ఐదు రోజులక్రితం న్యూ ఇయర్ సెలబ్రేషన్స్ సందర్భంగా ఈ ఘటన జరిగినట్లు అనుమానిస్తున్నారు.
రాత్రిపూట వర్కర్లు మొబైల్లో పాటలు పెట్టుకుని డ్యాన్సులు చేస్తున్నారు. ఆ సమయంలో సెక్యురిటీ గార్డులు వారిని వారించడంతో వివాదం చెలరేగింది. దీంతో సెక్యూరిటీ గార్డులు చేసిన దాడిలో పంకజ్ అనే వలసకూలీ చనిపోయాడు. అతను బీహార్కు చెందిన వ్యక్తిగా సమాచారం.
వలసకూలీలకు, సెక్యూరిటీ గార్డుకు గొడవ….
సైట్లో వలసకూలీలను సెక్యూరిటీ గార్డులు కర్రలు, రాడ్లలో కొట్టుకున్నారు. దీంతో పంకజ్ అక్కడికక్కడే మృతి చెందాడు. అయితే.. ఈ విషయాన్ని సదరు కన్ స్ట్రక్షన్ కంపెనీ బైటికి పొక్కనివ్వలేదు. దీంతో తీవ్ర ఆగ్రహానికి వచ్చిన మిగతా కూలీలు బంజారాహిల్స్ పోలీస్ స్టేషన్ లో ఫిర్యాదు చేశారు. అలా విషయం వెలుగు చూసింది. అయితే, దీనిమీద సైట్లో ఉన్న ఇన్చార్జిలు మాట్లాడడానికి ఇష్టపడలేదు. చనిపోయింది నిజమే కానీ, ఎలా చనిపోయాడు.. ఏం జరిగింది తమకు తెలియదంటూ దాటివేసే ప్రయత్నం చేశారు.