ములుగు జిల్లా, తాడ్వాయి మండలం, మేడారం గ్రామంలో నాలుగు రోజుల పాటు జరిగిన మేడారం జాతర శనివారం (24వ తేది) ముగిసింది. ఈ నేప‌థ్యంలో మేడారం హుండీల లెక్కింపు ప్రక్రియ గురువారం హనుమకొండ టీటీడీ కళ్యాణమండపంలో ప్రారంభం కానుంది. మొత్తం 512 హుండీల ఆదాయాన్ని లెక్కించనున్నారు.
ఈ లెక్కింపు ప్రక్రియ పది రోజుల పాటు కొనసాగనుంది. మేడారం మహాజాతరలో మొత్తం 512 హుండీలను అధికారులు ఏర్పాటు చేశారు. నాలుగు రోజుల క్రితం మేడారం నుంచి హుండీలను హన్మకొండలోని టీటీడీ కల్యాణ మండపానికి అధికారులు తరలించిన విషయం తెలిసిందే.