పిడుగుపాటుకు ఇద్దరు మృతి.. మరొకరికి గాయాలు

పిడుగుపాటుకు ఇద్ద‌రు మృతిచెంద‌గా, మ‌రొక‌రికి గాయాలైన ఘ‌ట‌న తెలంగాణ రాష్ట్రంలోని సిద్దిపేట జిల్లాలో చోటుచేసుకుంది. జిల్లాలో భారీగా కురుస్తున్న వర్షం కారణంగా ఓ మహిళపై పిడుగు పడి మృతి చెందింది. మరో ఘటనలో.. దుబ్బాక మండలం పద్మశాలిగడ్డ గ్రామపంచాయతీ పరిధిలోని నర్లేంగడ్డ గ్రామంలో తెల్లవారుజామున 3 గంటలకు రోడ్డుపైన ఉన్న వడ్లు తడవకుండా కవర్ కప్పుతుండగా ఒక్కసారిగా పిడుగు పడటంతో సౌడు పోచయ్య (65) అక్కడికక్కడే మరణించగా, పక్కనే ఉన్న రెడ్డబోయిన కొండయ్య (60) అనే వృద్దుడికి తీవ్ర గాయాలయ్యాయి. గాయాలైన వ్యక్తిని దుబ్బాక ఆసుపత్రికి తరలించారు.