గద్వాల (ప్రతినిధి) నవంబర్ 21 (ప్రభ న్యూస్) : గద్వాల మున్సిపాలిటీ పరిధిలోని పలు వార్డుల్లో ప్రచారం నిర్వహించారు కాంగ్రెస్ పార్టీ ఎమ్మెల్యే అభ్యర్థి సరిత. ప్రచారానికి వెళ్లిన కాంగ్రెస్ పార్టీ ఎమ్మెల్యే అభ్యర్థి సరితమ్మ గద్వాల పురపాలక సంఘం పరిధిలోని చేనేత కార్మికుల కాలనీలో మగ్గం వేస్తూ.. ప్రచారంలో భాగంగా ఇల్లు కట్టే కూలీల దగ్గర జల్లెడ పడుతూ.. కాంగ్రెస్ పార్టీకి, హస్తం గుర్తుకు ఓటు వేయాలని ఓటర్లను అభ్యర్థించారు.
ఎన్నికల ప్రచారంలో భాగంగా ఓటర్లకు కాంగ్రెస్ పార్టీ అభయ హస్తం 6 గ్యారంటీల గురించి వివరిస్తూ గడపగడపకు తిరుగుతూ… రాష్ట్రంలో కాంగ్రెస్ పార్టీ అధికారంలోకి వంద రోజుల్లో గ్యారెంటీ కార్డులో చెప్పిన ప్రకారంగా హామీలు అన్ని అమలు చేస్తుందని చెప్పారు. ఈ కార్యక్రమంలో కాంగ్రెస్ పార్టీ నాయకులు, కార్యకర్తలు, ప్రజలు అధిక సంఖ్యలో పాల్గొన్నారు.
