సుమన్‌ చేతుల మీదుగా ప్రశంసా పత్రాలు

మహబూబ్‌నగర్‌ : కింగ్‌షోటోకాన్‌ కరాటే విద్యార్థులు జడ్చర్లలోని అసంగానంద ఉన్నత పాఠశాలలో సినీనటుడు సుమన్‌ చేతుల మీదుగా కింగ్‌షోటోకాన్‌ కరాటే బ్రౌన్‌ బెల్ట్‌ విద్యార్థులు 5 మందికి బెల్టు , సర్టిఫికేట్‌లతో పాటు ప్రశంసా పత్రాలను అందుకున్నారు. ఈ సందర్భంగా నటుడు సుమన్‌ మాట్లాడుతు… విద్యార్థులకు క్రమశిక్షణతో పాటు దేహ ధారుడ్యం కూడా చాలా అవసరమని , అందుకు తల్లిదండ్రులు , గురువులు కూడా విద్యార్థుల ప్రతిభను గుర్తించి వారిని ఆశీర్వదించాలని కోరారు. ఈ కార్యక్రమంలో స్వామి సర్వేశ్వరానంద , సీనియర్‌ మాస్టర్‌ రవీందర్‌ కుమార్‌ , మాస్టర్‌ ఎండి జహంగీర్‌ పాషా , జికె కృష్ణ , మల్లేష్‌ యాదవ్‌ , రవి నాయక్‌ తదితరులు పాల్గొన్నారు.