- నవీన్కుమార్ రెడ్డికి కేటీఆర్, హరీశ్‌ రావు, నిరంజన్‌ రెడ్డి శుభాకాంక్షలు
మహబూబ్నగర్ స్థానిక సంస్థల ఉప ఎన్నికలో బీఆర్ఎస్ అభ్యర్థి న‌వీన్‌కుమార్‌రెడ్డి ఘన విజయం సాధించారు. ఆయ‌న‌కు పార్టీ నేత‌లు కేటీఆర్, హరీశ్‌ రావు, నిరంజ‌న్‌రెడ్డి అభినంద‌న‌లు తెలిపారు. పార్టీ అభ్యర్థి గెలుపునకు కృషి చేసిన బీఆర్ఎస్ ప్రజాప్రతినిధులు, నాయకులు, కార్యకర్తలకు ధన్యవాదాలు తెలిపారు.
ఇక.. మార్చి 28న మహబూబ్నగర్ స్థానిక సంస్థల ఎమ్మెల్సీకి ఉ ఎన్నిక జరుగగా, ఆదివారం ఉదయం ఓట్లను లెక్కించారు. ఈ క్రమంలో నవీన్‌ కుమార్‌ మొదటి ప్రాధాన్య ఓట్లతోనే కాంగ్రెస్‌ అభ్యర్థి మన్నె జీవన్‌ రెడ్డిపై 111 ఓట్ల తేడాతో విజయం సాధించారు. 1,437 ఓట్లు పోలవగా బీఆర్‌ఎస్‌కు 763, కాంగ్రెస్‌కు 652, స్వతంత్ర అభ్యర్థికి 1 ఓటు చొప్పున వచ్చాయి. మరో 21 ఓట్లు చెల్లనివిగా నిర్ధారించారు. కాగా, నవీన్కుమార్ విజయంతో బీఆర్ఎస్ నాయకులు, కార్యకర్తలు సంబురాలు చేసుకున్నారు. కౌంటింగ్‌ కేంద్రానికి చేరుకున్న మాజీ మంత్రి నిరంజన్‌ రెడ్డి.. నీవన్‌కుమార్‌ను ఆలింగనం చేసుకుని శుభాకాంక్షలు తెలిపారు.