తెలంగాణ రాష్ట్రంలోని పలు జిల్లాల్లో వాతావరణం మారింది. ఈదురుగాలులు, ఉరుములు మెరుపులతో జల్లులు కురుస్తున్నాయి. కాగా, ఇవ్వాల రాత్రి ములుగు జిల్లాలోని అటవీ ప్రాంతంలో పిడుగుపడింది. దీంతో తాడ్వాయి మండలం బందాల గ్రామానికి చెందిన నాలి బుయ్యపై ఈ పిడుగు పడడంతో తీవ్ర గాయాలయ్యాయి. వెంటనే అక్కడి నుంచి ములుగు ఏరియా ఆస్పత్రికి ఆయనను చికిత్స కోసం తరలించారు. ప్రస్తుతం ఎలాంటి ప్రాణహాని లేదని, కోలుకుంటున్నాడని ఆస్పత్రి వర్గాలు తెలిపాయి.
