నాగోల్ నవంబర్ 12(ఫ్రభ న్యూస్) అసెంబ్లీ ఎన్నికల నేపథ్యంలో ఆదివారం ఉదయం ఎల్.బి.నగర్ బిఆర్ఎస్ పార్టీ అభ్యర్థి,శాసనసభ్యులు దేవిరెడ్డి సుధీర్ రెడ్డి నాగోల్ డివిజన్ పరిధిలోని ఫతుళ్ళగూడ , చుట్టుపక్కల కాలనీలలో పాదయాత్ర నిర్వహించారు. దానిలో బస్తీవాసులు సుధీర్ రెడ్డికి అడుగడుగునా పూలు, మంగళహారతులతో స్వాగతం పలికారు. ఈ సందర్భంగా బస్తీవాసులు మాట్లాడుతూ ఎన్నో ఇండ్ల నుంచి ఇండ్ల పట్టాల సమస్యలు ఎదుర్కొంటున్న నేపథ్యంలో 58,59 జీ.ఓ.తీసుకొచ్చి మాకు పట్టాలు ఇప్పించడం జరిగింది అని తెలిపారు.మా బస్తీవాసుల పూర్తి మద్దతు మీకే ఉంటుంది అని తెలిపారు. అనంతరం సుధీర్ రెడ్డి నియోజకవర్గ పరిధిలోని ప్రధాన సమస్యలు పరిష్కరించడం జరిగింది అని తెలిపారు.ఇంకా కొన్ని సమస్యలు ఉన్నాయని వాటిని పరిష్కారం చేస్తామని తెలిపారు.ఇప్పుడు నియోజకవర్గం మీద అవగాహన లేని కొత్త,కొత్త నాయకులు వస్తున్నారు.వారి పట్ల జాగ్రత్తగా ఉండాలి అని తెలిపారు. నిజామాబాద్ లో చెల్లని రూపాయి హైదరాబాదులో చెల్లుతుందా అని తెలిపారు.
ఈ సందర్బంగా హరిజన బస్తీ భారతీయ జనతా పార్టీ కి చెందిన యువకులు భారీ గా ఎమ్మెల్యే సమక్షంలో బిఆర్ఎస్ లోకి చేరారు. ఈ సందర్బంగా యువకులు మాట్లాడుతూ ఎల్బీ నగర్ అభివృద్ధి ప్రధాత సుధీర్ రెడ్డి అనే సత్యం గ్రహించి మళ్లీ సుధీర్ రెడ్డినే గెలుపించుకోవాలనే ఉద్దేశ్యంతో బిఆర్ఎస్ లో చేరామని పేర్కొన్నారు. అనంతరం ఫత్తుల్లాగూడ మైనారిటీ ప్రజలు బిఆర్ఎస్ పార్టీకి పూర్తి మద్దతును ప్రకటించారు.
ఈ కార్యక్రమంలో సీనియర్ నాయకులు ఆనంతుల రాజిరెడ్డి,మాజీ కార్పొరేటర్ చెరుకు సంగీత ప్రశాంత్ గౌడ్,డివిజన్ అధ్యక్షులు తూర్పాటి చిరంజీవి,సుర్వీ రాజు గౌడ్,శిల్ప,సతీశ్ యాదవ్,సీతారాములు, రమేష్,కవిత పలువురు సీనియర్ నాయకులు,ఉద్యమకారులు,మహిళలు,కార్యకర్తలు,బస్తీవాసులు తదితరులు పాల్గొన్నారు.