హైదరాబాద్ : బీజేపీ, బీఆర్ఎస్ వేర్వేరు కాదని , కొట్లాడితే ఈ రెండు పార్టీలపై కొట్లాడాలని తెలంగాణ జనసమితి చీఫ్ కోదండరాం అన్నారు. హైదరాబాద్ లో ఆయ‌న మీడియాతో మాట్లాడుతూ, దోపిడీ రాజ్యం పోయి సామాజిక తెలంగాణ రావాలన్నారు. భయంతోనే కేసీఆర్ రెండు చోట్ల పోటీ చేస్తున్నాడని పేర్కొన్నారు. ఓటమి భయంతోనే కేసీఆర్ రెండవ నియోజకవర్గం వెళ్ళాలని అనుకుంటున్నాడన్నారు. కేసీఆర్‌పై ఉమ్మడి అభ్యర్థిని దింపితే బాగుంటుందని గద్దర్ ఆలోచన చేశారన్నారు. ఆ దిశ‌గా విప‌క్ష పార్టీలు ఆలోచన చేయాల‌ని అన్నారు..
కాగా, ఎమ్మెల్యే గా పోటీ చేయమని ఆ నియోజకవర్గ ప్రజలు అడిగినందుకు రెండో చోట్ల పోటీ చేస్తున్నా నని కేసీఆర్ చెబుతున్నారన్నారు.119 మంది అడిగితే 119 స్థానాల్లో చేస్తారా? అని కోదండరాం ప్రశ్నించారు. తాను ఎక్కడ పోటీ చేయాలో తమ పార్టీ నిర్ణయిస్తుందని తెలిపారు. పొత్తుల విషయం కాంగ్రెస్ త్వరగా తేలిస్తే బెటర్ అన్నారు. లెఫ్ట్ పార్టీలకు కేసీఆర్‌పై ఉన్న భ్రమలు తొలిగిపోయాయని, ఇది మంచి పరిణామమని కోదండరాం అన్నారు.