పాలేరు నదిలో మునిగి ముగ్గురు మృతి

చేప‌ల వేట‌కు వెళ్లిన యువ‌కుడు గ‌ల్లంత‌వ్వ‌గా.. ర‌క్షించే క్ర‌మంలో మ‌రో ఇద్ద‌రు గ‌జ ఈత‌గాళ్లు మృతి చెందిన ఘ‌ట‌న ఖమ్మం జిల్లాలోని నేలకొండపల్లి మండలం సుద్దేపల్లిలో చోటుచేసుకుంది. గురువారం యువకుడు చేపల వేటకోసం పాలేరు నదిలోకి దిగి గల్లంతయ్యాడు. అతడిని రక్షించేందుకు వెళ్లిన ఇద్దరు గజ ఈతగాళ్లు కూడా కనిపించకుండా పోయారు. శుక్రవారం ఉదయం పాలేరు నదిలో గాలింపు చేపట్టిన పోలీసులు, సహాయ సిబ్బంది.. ముగ్గురి మృతదేహాలను వెలికితీశారు. మృతులను రంజిత్‌, వెంకటేశ్వర్లు, ప్రదీప్‌గా గుర్తించారు. మృతదేహాలను పోస్టుమార్టం నిమిత్తం దవాఖానకు తరలించారు.