ఖమ్మం, ఏప్రిల్ 27: బీఆర్ఎస్ అధ్యక్షులు, ముఖ్యమంత్రి కేసీఆర్ ను కలిసి ఆవిర్భావ దినోత్సవ శుభాకాంక్షలు తెలిపి తిరుపతి వెంకటేశ్వర స్వామి ప్రసాదాన్ని అందించారు ఎంపీ రవిచంద్ర.. .కాగా, ఆయన సతీమణి విజయలక్ష్మితో కలిసి గురువారం వేకువజామునే సుప్రభాత సేవకు హాజరై, స్వామి వారిని దర్శించుకున్నారు. బీఆర్ఎస్ పార్టీ ప్లీనరీ సందర్భంగా అధినేత కేసీఆర్ జాతీయ రాజకీయాల్లో రాణించేలా ఆశీస్సులు అందజేయాలని కలియుగ దైవం తిరుమల వేంకటేశ్వరస్వామి ని రాజ్యసభ ఎంపీ వద్దిరాజు రవిచంద్ర దంపతులు వేడుకున్నారు. దర్శనానంతరం విమానంలో హైదరాబాద్ వచ్చీ , నేరుగా ప్లీనరీ జరిగే తెలంగాణ భవన్ చేరుకున్నారు. బీఆర్ఎస్ అధ్యక్షులు, ముఖ్యమంత్రి కేసీఆర్ ను రవిచంద్ర కలిసి పార్టీ ఆవిర్భావ దినోత్సవం సందర్భంగా హృదయపూర్వక శుభాకాంక్షలు తెలిపి తిరుపతి వెంకటేశ్వర స్వామి ప్రసాదాన్ని అందజేశారు. బీఆర్ఎస్ పార్టీ ప్లీనరీకి హాజరయ్యారు. ఇరవై రెండేళ్ల క్రితం ఉద్యమ పార్టీగా పురుడుపోసుకున్న టీఆర్ఎస్, జాతీయ రాజకీయ అవసరాల కోసం బీఆర్ఎస్ గా రూపాంతరం చెందిందన్నారు. తెలంగాణను అన్ని రంగాల్లో అభివృద్ధి పర్చిన సీఎం కేసీఆర్.. భారత దేశాన్ని కూడా సమూలంగా అభివృద్ధి చేసేలా.. శక్తి సామర్థ్యాలు అందించాలని ఎంపీ వద్దిరాజు శ్రీవారిని వేడుకున్నారు.
