గుల్బర్గా (కర్నాటక) : కారును బొలెరో వాహనం ఢీకొట్టడంతో నలుగురు హైదరాబాద్‌ వాసులు మృతి చెందిన ఘటన శనివారం కర్నాటక రాష్ట్రంలో జరిగింది. కర్నాటక రాష్ట్రంలోని గుల్బర్గా జిల్లా కమలాపురం వద్ద బొలేరో వాహనం, కారును ఢీకొట్టింది.
ఈ ప్రమాదంలో నలుగురు మృతి చెందారు. ఘటనా స్థలానికి పోలీసులు చేరుకున్నారు. మృతులను హైదరాబాద్‌ యూసుఫ్‌గూడకు చెందినవారిగా గుర్తించారు. గానుగాపూర్‌ దత్తాత్రేయ క్షేత్రానికి వీరు వెళుతున్నట్లు సమాచారం. ఘటనపై పోలీసులు కేసు నమోదు చేశారు.