స్వాతంత్ర్య సమరయోధుడు వీరయ్య ఆకస్మిక మరణం

సుల్తానాబాద్ : స్వాతంత్య్ర పోరాట సమర యోధుడు, శతాధిక వృద్దుడు పెద్దపల్లి జిల్లా సుల్తానాబాద్ పట్టణానికి చెందిన కుర్మ వీరయ్య (105) మృతి చెందాడు. గత కొంతకాలంగా అనారోగ్యంతో బాధపడుతున్న వీరయ్య ఈరోజు ఉదయం ఈ జవహర్ నగర్ లోని ఆయన స్వగృహంలో కన్నుమూసారు. స్వాతంత్ర్య పోరాటంలో అలుపెరుగని పోరాటం చేసి నిజాంపై తిరుగుబాటు చేసి జైలుకు వెళ్లిన వీరయ్య మృతిచెందడం పట్ల ఆయన కుటుంబ సభ్యులు, పలువురు దిగ్భ్రాంతి వ్యక్తం చేశారు. వీరయ్య ఆత్మకు శాంతి చేకూరాలని ఆ భగవంతుని కోరుకుంటూ ఆయన కుటుంబ సభ్యులకు ప్రగాఢ సానుభూతి తెలిపారు.