పూసల సంఘ భవనం పూర్తికి కృషి చేస్తాం..

పెద్దపల్లి : జిల్లా కేంద్రంలో పూసల సంఘం భవనం పూర్తి కోసం కృషిచేస్తానని సంఘం నూతన జిల్లా అధ్యక్షులు పొదిల కుమారస్వామి పేర్కొన్నారు. పెద్దపల్లి జిల్లా పూసల కుల సంఘం నూతన కార్యవర్గ ఎన్నికలు జిల్లా కేంద్రంలోని సిరి ఫంక్షన్‌ హాల్‌లో నిర్వహించగా, రాష్ట్రనాయకులు, వర్కింగ్‌ ప్రెసిడెంట్‌ గుడ్ల సమ్మయ్య ఆధ్వర్యంలో ఏకగ్రీవంగా నూతన కార్యవర్గాన్ని ఎన్నుకున్నారు. జిల్లా గౌరవాధ్యక్షులుగా గుడ్ల సమ్మయ్య, ముద్రకోల రాజయ్య, అధ్యక్షులుగా పొదిల కుమారస్వామి, ప్రధాన కార్యదర్శిగా ముద్ర కోల తిరుపతి, కోశాధికారిగా నాగిశెట్టి సదానందం, ఉపాధ్యక్షులుగా పట్టేం నర్సయ్య, వర్కింగ్‌ ప్రెసిడెంట్‌గా ఖమ్మం కిషన్‌లు ఏకగ్రీవంగా ఎన్నికయ్యారు. ఈకార్యక్రమంలో కుల సంఘ సభ్యులు పాల్గొన్నారు.