ఎమ్మెస్సార్‌కు ఘన నివాళులు..

చందుర్తి: మాజీ ఎంపీ, మాజీ మంత్రి, పిసిసి మాజీ అధ్యక్షులు, ఆర్టీసీ మాజీ చైర్మన్‌ ఎం.సత్యనారాయణ రావు ఇటీవల అనారోగ్యంతో మరణించగా చందుర్తి మండల కాంగ్రెస్‌ కార్యాలయంలో సంతాపం తెలిపారు. ఈ సందర్భంగా ఎంపీటీసీ పులి రేణుక సత్యం మాట్లాడుతూ ఎమ్మెస్సార్‌ కాంగ్రెస్‌ బలోపేతానికి ఎంతగానో కృషి చేశారని, ఇందిరాగాంధీకి ప్రియ శిష్యుడిగా ఉంటూ పార్టీకి సేవ చేశానని గుర్తు చేశారు. ఎమ్మెస్సార్‌ రాష్ట్ర కాంగ్రెస్‌ పార్టీలో కీలక బాధ్యతలు చేపట్టారని, ఆయన ఆశయ సాధన కోసం ప్రతి ఒక్కరూ కృషి చేయాలన్నారు. ఈకార్యక్రమంలో జిల్లా కాంగ్రెస్‌ పార్టీ ప్రధాన కార్యదర్శి ప్రభాకర్‌, మాజీ సర్పంచ్‌ మర్రి మల్లేశం, గ్రామ శాఖ అధ్యక్షులు దారం చంద్రం తదితరులు పాల్గొన్నారు.