కాల్వ శ్రీరాంపూర్ : భూపంచాయతీ విషయంలో కొందరి గ్రామస్తుల వేధింపులు భరించలేక ఓ వ్యక్తి పురుగుల మందు తాగి ఆత్మహత్య ప్రయత్నం చేసిన ఘటన కాల్వ శ్రీరాంపూర్ మండలం జాఫర్ ఖాన్ పేటలో బుధవారం చోటుచేసుకుంది. జాఫర్ఖాన్ పెట్ గ్రామానికి చెందిన బొజ్జం శివకృష్ణ సెల్ఫీ వీడియో లో పురుగుల మందు తాగి ఆత్మ యత్నానికి పాల్పడ్డాడు. భూమి పంచాయతీలో పెద్దమనుషుల వేధింపులు భరించలేక పురుగుల మందు తాగి ఆత్మహత్య చేసుకున్నట్లు సెల్ఫీ వీడియోలో తెలిపారు.
బొజ్జం శివ అనే వ్యక్తి గత ఐదు సంవత్సరాల క్రితం పోలీస్ స్టేషన్ లో జరిగిన భూమి పంచాయతీ విషయంలో అదే గ్రామానికి చెందిన కొంతమంది పెద్ద మనుషులు పంచాయితీని పెండింగ్ లో పెట్టి పైసల కోసం వేధింపులకు గురి చేయడంతో మనస్థాపానికి గురై పురుగుల మందు తాగి ఆత్మహత్య చేసుకుంటున్నట్లు బాధితుడు సోషల్ మీడియాలో పెట్టిన వీడియో వైరల్ అవుతుంది. పురుగుల మందును తాగిన శివకృష్ణను స్థానికులు గుర్తించి చికిత్స కోసం పెద్దపల్లి ఆసుపత్రికి తరలించారు.
