రాజన్న సిరిసిల్ల జిల్లాలో చిరుత సంచారం..

తెలంగాణ రాష్ట్రంలోని రాజన్న సిరిసిల్ల జిల్లాలో చిరుత సంచరిస్తోంది. జిల్లాలోని ముస్తాబాద్ మండలంలో చిరుత సంచరిస్తూ.. చిప్పలపల్లి శివారులో ఓ లేగదూడపై దాడి చేసింది. దీంతో సమీప గ్రామస్థులు తీవ్ర భయాందోళనకు గురవుతున్నారు. అటవీ శాఖ అధికారులు స్పందించి చిరుత నుంచి కాపాడాలని కోరుతున్నారు. గత కొన్ని రోజులుగా జిల్లాలోని పలు ప్రాంతాల్లో చిరుత పశువులపై దాడికి పాల్పడిన విషయం తెలిసిందే.