కరోనాతో జాగ్రత్త.. ఫ్లెక్సీలతో ప్రచారం..

పెద్దపల్లి ‌: జిల్లాలోని గ్రామాల్లో కరోనా విజృంభిస్తున్న తరుణంలో తప్పనిసరిగా మాస్క్‌ ధరించాలని లేకుంటే రూ.1000 జరిమానా విధిస్తామని ప్లెక్సీల ద్వారా ప్రచారం చేస్తున్నారు. జిల్లా కలెక్టర్‌ డాక్టర్‌ సంగీత సత్యనారాయణ ఆదేశాల మేరకు ప్రజలు గుమిగూడే ప్రాంతాల్లో ఈ ఫ్లెక్సీలను ఏర్పటు చేశారు. మాస్కులు తప్పక ధరించాలని, చేతులను శుభ్రంగా కడుక్కోవాలని, భౌతికదూరం పాటించాలని, గుంపులుగా ఉండవద్దని పలు సూచనలు ఫ్లెక్సీలో ముద్రించారు. అలాగే 45 ఏళ్ల పైబడిన వారు వ్యాక్సీన్‌ వేయించుకోవాలని, కరోనా నుంచి రక్షణ పొందాలని సూచించారు.