వేలాల మల్లికార్జున స్వామికి సీపీ ప్రత్యేక పూజలు

గోదావరిఖని: మహాశివరాత్రి పర్వదిన సందర్భంగా ప్రసిద్ధ క్షేత్రమైన జైపూర్‌ మండలం వేలాల మల్లికార్జున స్వామిని రామగుండం సీపీ సత్యనారాయణ దర్శించుకొని ప్రత్యేక పూజలు నిర్వహించారు. ఈ సందర్భంగా జాతరలో పోలీస్‌ అధికారులకు బందోబస్త్‌ ఏర్పాట్లపై సూచనలు చేశారు. దర్శనానికి వచ్చే ప్రజలకు ఎలాంటి ఇబ్బందులు కలుగకుండా చూడాలన్నారు. స్వామి వారిని దర్శించుకోవడం ఆనందంగా ఉందని, భక్తులకు కూడా తగిన ఏర్పాట్లు చేసి ప్రశాంతంగా దర్శనం చేసుకునేలా చూడాలని అధికారులకు సూచించారు. వాహనాల రద్దీ పెరిగితే ట్రాఫిక్‌ ఇబ్బందులు రాకుండా చర్యలు తీసుకోవాలన్నారు. ఈకార్యక్రమంలో జైపూర్‌ ఏసీపీ నరేందర్‌, శ్రీరాంపూర్‌ సీఐ కోటేశ్వర్‌, చెన్నూరు రూరల్‌ సీఐ నాగరాజు, ఆర్‌ఐ శ్రీధర్‌, జైపూర్‌ ఎస్‌ ఐ రామకృష్ణ, ఆర్‌ఎస్‌ఐ సంతోష్‌ తదితరులు పాల్గొన్నారు.