పందిల్ల శివాలయంలో ప్రత్యేక పూజలు

కాల్వశ్రీరాంపూర్‌: తిరుమల తిరుపతి దేవస్థానము, హిందూ ధర్మ ప్రచార పరిషత్‌ ఉమ్మడి కరీంనగర్‌ జిల్లా వ్యాప్తంగా ఎంపిక చేయబడిన మండలంలోని పందిల్ల గ్రామంలోని శివాలయాలలో శివరాత్రి సందర్భంగా ప్రత్యేక కార్యక్రమం, ప్రసాద వితరణ, శివరాత్రి మహత్యం పుస్తక ప్రసాద వితరణ తదితర కార్యక్రమాలు నిర్వహించారు. గురువారం శివరాత్రి సందర్భంగా భక్తులందరికీ కంకణ ధారణ చేశారు. భక్తులు పెద్ద సంఖ్యలో శివాలయంలో అర్చన, అభిషేకాలు నిర్వహించారు. ఈ కార్యక్రమంలో సర్పంచ్‌ దాసరి లావణ్య రమేష్‌, ధర్మాచార్య నరెడ్ల సదయ్య, ఆలయ పూజారి సాంబమూర్తి, కోఆర్డినేటర్‌ టి. గోపిబాబు, ఉపసర్పంచ్‌ ఇల్లందుల రమేష్‌, వార్డు మెంబర్‌ పల్లపు అనిత, వెంకటస్వామి, రవి, విజయ్‌, రాకేష్‌, భక్తులు పెద్ద సంఖ్యలో పాల్గొన్నారు.